Cerita Ngasu - Penulis Ambi Dalang.
Meri tabi basa ngagai semua pembaca ti bisi datai ngagai website aku tu. Nyangka bisi sekeda kita kurang nemu bejako iban tauka langsung nadai ulu-ili, minta ampun meh kaban. Aku nusoi ka kita sekeda pengerindu aku ba pengawa ngasu. Ba menua alai aku gawa ditu enti lebuh maya bisi musim babi mayoh, jarang endar pulai gegendai mesti meh bisi mai pulai siko babi. Pengabis nadai meh bulih ga siko bayak. Lebuh maya babi mayoh kala ga bulih dua atau tiga iko sekali nurun.
Nyadi maya kami ditu ngasu nyangka bisi bebida mimit ngagai sekeda endur di menua Sarawak ditu. Nitih ka peneleba tuaka pengalaman ka jako kitai maya ari tu, maya ti manah amat ngasu ianya maya jam 2.30 lemai ngagai jam 5.00. kebuah pia laban ti nitih sekeda ari pansik tauka buah kenang sida ka tuai-tuai maya jam nya meh babi bisi nurun tauka pansut ari penindok sida ba madang resam. Uji kita ka selalu nimbak tauka bejalai sebelah tanah tauka bala sida penimbak ti suah nguan buah sibau, entangor tauka buah aping. Sida selalu bendar nimbak babi lebuh ari nyau lemai antara pukul 2.00 nyentuk ngagai pukul 6.00 lemai. Tang taja pia aku enda ga nemu baka penimbak ti bisi bejalai sebelah ladang sawit. Aku enda pasti jam berapa kini sida suah begiga ka babi. Gian Ngasu. Orang ka ngasu enti enda nurun ngasu tiap-tiap hari berasai enda nyamai. Aku ngasai ka ba diri empu ti lebuh maya kaban udah dulu nurun ngasu lelengau meh ati ditinggal ka sida nadai ulih dulu nganti kitai abis ngereja pengawa. Ti lebuh maya ujung minggu suah kami sebuat ngasu jauh agi ke dalam kampong ngiga menua ka bisi mayoh gi babi. Makin jarang ditengah tauka jarang orang ngasu kia makin besai agi peluang bertemu enggau babi. |
Uduk pengasu.
Pengawa ngasu amat berguna ka uduk tauka ukoi ti cukup latih tauka ajar cara-cara ngiga babi. Ukoi ti manah cukup meri penyamai ngagai kitai ti mai sida bejalai. Ukoi ti dikena kami ditu kira antara iya ka manah ka udah ditemu aku. Kami nepan ka ukoi ba perau lalu masang moto sangkut belubah-lubah ngambi bala sida ukoi ulih ensium bau babi ari perau. Asai ku kita angka enda pecaya ka cerita aku tu. Tapi utai ka tusoi aku sigi amat. Suah ukoi kami merejuk ari perau ti bisi tetemu tauka tesium ka bau babi. Sida lalu engkecit ari perau lalu nitih penungga penatai bau babi. Ukoi lalu nyalak nuju ngagai babi ka disium sida. Tu meh ngasoh kami cukup gaga laban babi gerenti ulih enti uduk nadai menawa Penti pemali Senentang penti pemali tu aku enda tentu nemu nusoi ka kita laban tu bergantung ka sebengkah-sebengkah menua. Bisi mega lain peransang uduk dikena lain ga penti pemali iya. Maya kita bebela ka babi mayoh macam meh penti laban meri sida uduk beguna ke peransang dikena sida mujur ngiga babi. Ambi ka banding enti kitai ngidup ka api ba palan kitai nunu babi, kitai enda tau sekali-kali muput api ngena pemuput. Api tau ditiup tang enda tau dipuput. Keno reti malinya ngambi uduk kitai enda jauh salak. Lalu kitai enda ga jauh ngagai uduk kitai ti sida benong nyalak babi. Mayoh meh penti pemali kitai ka ngasu tang aku enda ulih nusoi iya dito. |
Nyala Ikan Ba Sungai Bangkit.
Cerita sekali tu ngenang pengawa kitai iban ke begigaga ka ikan ngena cara Nyala. Orang kelia menya beguna ka jala mega tang jala sida digaga ari akar tenggang. Diatu jala kitai digaga ari tali tangsi. lalu peneguh iya endang bepangai ba kitai ke ngena. lebih berjimat tua nguna, lebih lama meh kita ngena iya.
Sungai Bangkit. Menua bangkit tu angka menua ti pemadu mar ditengah ba pegai menua Song. Nitih ka jako banding sida ke tuai-tuai ti udah mayoh bejalai nujah sungai di pelilih menua Song, angka nadai meh ulih ngelaban ai Bangkit pemadu mar di tujah. Ba penemu aku, sigi amat jako sida. Menua ai Bangkit tu pengudah kitai mansa Nanga Ayat nyau bertankan-tankan endur ti mar-mar di tengah. Enti ukai orang ngempu menua tauka sida-sida ka teleba ai bangkit pedis endar ngenatai ka diri ba pala menua din. Lembau, kasih meh, sayau meh, enda ulih ke disayau wai... tu meh sekeda jako ka suah didinga kitai lebuh ke meda gamar pila injin sepit ( moto ) nyau simpak, bisi nya rubik baka kerit gerama. Pila injin sepit 18 Tahatsu aku,...lembau ka madah ka kita wai. Semadi meh ulih atai di penyangkai. Nyala Ba Lubok Lakah. sebedau kami nibar ka jala ba Lubok Nanga Lakah kami dulu nyala ari Lubok Tapang Cundong. Puas ka nibar, nyau lelak kaban aku dua iko ( seduai menyanak ) lalu siko agi tukang selam. Tukang selam tu pengawa iya nyelam enti jala bisi tekait ba dalam ai. Aku ngemudi ke perau wai. Kia padah orang ke nibar ka jala, kia meh aku ngemudi ke perau. Kami semina bulih adong enggau penyau berapa iko aja. Kami pulai berkayuh lalu nibar sekeda lubok ka disadang bisi ikan. Tang nasib enda ga manah. anang ka jako bulih ikan, nyau ngasoh jala ka terkait ba batang dalam ai. Udahnaya kami lalu nibar ka jala ba Lubok Nanga Lakah. Asai ka bula aku nusoi ka kita pemayuh ikan ka ulih kami sekali nibar. Uji kita ngambo berapa kini ulih kami sekali nibar? |
Enda ulih angkat tubuh siko pemerat ikan begulai enggau pemerat jala. Enda bula ku wai? Iga ga ngemeratnya. Bula dik cikgu nusoi utai. Pecaya meh ka aku wai. Peda dik gambar ba atasnya enti aku bula. Tau ga dik nanya orang benong nantai ka jalanya. Tanya wai, tanya dik dia. Lebuh kami meda penyapu ikan dalam jalanya asai ka enda pecaya meda utai burak aja lekat ba jala. Aku lalu ngira penyampau iya. Penyampau ikan ka di ulih kaminya 70 iko ikan penyau. Pelaba ka kami nyangka mayanya ikan nyau ka ngaban nya meh iya bisi begulai bebala mayoh. Udahnya kami lalu undur pulai. Sekali agi kami amat beruntung wai bulih penyampau 39 iko ikan penyau di tibar ka kaban aku Joel ba pemendai seberai penyangkai perau bala pengajar ba SK. Tan Sri Jugah. Penyampau ikan ulih kami sarinya kira-kira tiga baldi. Udah dibagi ngagai lima ungkup bisi ga 5Kg. ungkup siko-siko. Mupuk dulu ku wai. Ila ku nusoi ka kita baru cerita ka manah agi.. Terima Kasih wai.
|
NEMUAI KA RUMAH PANJAI BATU PIKUL
Tabi basa ngagai semua bala pemaca. Sekali tu aku deka nusoi ka kita pejalai kami ke rumah panjai ba Batu Pikul. Nitih ka nama meh wai, sebut aja batu pikul tentu kita nemu bakani tungga menua ka dikumbai Batu Pikul. Enti pejalai maya ai besai tauka ai benoh bah umbas iya penyamai, lebih kurang 15 minit datai meh ba rumah panjainya ari SK. Tan Sri Jugah. Tang enti maya musim kemarau tauka ai langkang munyi ke disebut kami ditu lebih kurang 40 minit baru kita ulih datai tauka sangkai ba pemendai sida. Pejalai kami sekalitu ianya ngabas perau ti deka dibeli kaban aku. Kaban akunya kerani ba sekula. Pejalai kami sebuat mayoh amat Adventure munyi ko jako sida ribai. Mudik kami sebuat ( Cikgu Larry, Cikgu Stanley, Kerani-Watson lalu aku empu ) bergadai-gadai meh wai ba utai ka mar ditengah. Kekadang rarat dulu baru ulih nanjak rantau ka mar-mar. Pelaba aku pejalai kami angka bisi ga setengah jam ngenatai ka diri ba rumah Panjai Silo di Batu Pikul. Penatai kami din disambut engau basa meh wai. Sigi gaya kita di rumah panjai nama bisi temuai datai sigi beri sida ai tajau nya meh kitai. Munyi ka sida ai tajau nya meh ai kitai. Kelia menya adatnya sigi udah bisi. Aku laban ke enda nakal ngirup tuak, nyau berasai ngelu ga pala. Sida ka bukai dipeda aku tucum-tucum meh nyekining gamal aku mirah-mirah nelai ai tajau ( Ai Tuak
Pemulai Rumah Panjai Silo ba Batu Pikul diatu kami lalu niki ba rumah baru sida Silo ba Nanga Semumban. Rumah nya agi bedau tembu, semina udah diatap enggau di pasang papan lantai. Tiang dinding udah magang tang dinding antara sida agi bedau dipasang. Kami bisi berandau enggau sida serumah ka benong ngagag rumah. Nama sida enda aku nemu wai. Aku laban ka rindu ngemai kamera lalu digambar aku meh rumah sidanya. Pelaba aku bisi lima kali aku Snap foto ngagai rumah panjai sidanya. Ba penemu aku gambar tu ila angka iya bisi guna ka jemah ila. Ngambi ka bisi nyadi ka pengingat ngagai bala sida serumah
Tabi basa ngagai semua bala pemaca. Sekali tu aku deka nusoi ka kita pejalai kami ke rumah panjai ba Batu Pikul. Nitih ka nama meh wai, sebut aja batu pikul tentu kita nemu bakani tungga menua ka dikumbai Batu Pikul. Enti pejalai maya ai besai tauka ai benoh bah umbas iya penyamai, lebih kurang 15 minit datai meh ba rumah panjainya ari SK. Tan Sri Jugah. Tang enti maya musim kemarau tauka ai langkang munyi ke disebut kami ditu lebih kurang 40 minit baru kita ulih datai tauka sangkai ba pemendai sida. Pejalai kami sekalitu ianya ngabas perau ti deka dibeli kaban aku. Kaban akunya kerani ba sekula. Pejalai kami sebuat mayoh amat Adventure munyi ko jako sida ribai. Mudik kami sebuat ( Cikgu Larry, Cikgu Stanley, Kerani-Watson lalu aku empu ) bergadai-gadai meh wai ba utai ka mar ditengah. Kekadang rarat dulu baru ulih nanjak rantau ka mar-mar. Pelaba aku pejalai kami angka bisi ga setengah jam ngenatai ka diri ba rumah Panjai Silo di Batu Pikul. Penatai kami din disambut engau basa meh wai. Sigi gaya kita di rumah panjai nama bisi temuai datai sigi beri sida ai tajau nya meh kitai. Munyi ka sida ai tajau nya meh ai kitai. Kelia menya adatnya sigi udah bisi. Aku laban ke enda nakal ngirup tuak, nyau berasai ngelu ga pala. Sida ka bukai dipeda aku tucum-tucum meh nyekining gamal aku mirah-mirah nelai ai tajau ( Ai Tuak
Pemulai Rumah Panjai Silo ba Batu Pikul diatu kami lalu niki ba rumah baru sida Silo ba Nanga Semumban. Rumah nya agi bedau tembu, semina udah diatap enggau di pasang papan lantai. Tiang dinding udah magang tang dinding antara sida agi bedau dipasang. Kami bisi berandau enggau sida serumah ka benong ngagag rumah. Nama sida enda aku nemu wai. Aku laban ka rindu ngemai kamera lalu digambar aku meh rumah sidanya. Pelaba aku bisi lima kali aku Snap foto ngagai rumah panjai sidanya. Ba penemu aku gambar tu ila angka iya bisi guna ka jemah ila. Ngambi ka bisi nyadi ka pengingat ngagai bala sida serumah